Од утре 20 јануари до сабота, 31 јануари, ќе се врши тестирање, калибрација и верификација на поставените камери за сообраќаен надзор од проектот „Безбеден град“, информира Министерството за внатрешни работи.

Тестирањата ќе се реализираат секој ден во периодот од 8 до 208 часот.

За време на спроведувањето на овие активности, возилата на локациите каде што се врши тестирањето нема да бидат пропуштани додека трае постапката.

Во првата недела од предвидениот период, активностите ќе се спроведуваат исклучиво на локациите со поставени камери на подрачјето на град Скопје. Ги повикуваме граѓаните и сите учесници во сообраќајот да ги почитуваат привремените ограничувања, како и да покажат разбирање, трпение и соработка со цел непречено и безбедно реализирање на планираните активности, велат од МВР.