Од граѓанската иницијатива „Стоп за Усје“ најавија дека денеска во 18 часот ќе има граѓанска блокада на раскрсницата меѓу булеварите „Борис Трајковски“ и „Србија“ во Скопје.

ВИДЕО | Густа магла во главниот град: И утрово Скопје меѓу најзагадените градови во Европа

Од иницијативата велат дека протестот е одговор на, според нив, долгогодишното жртвување на јавното здравје на граѓаните во корист на профитни интереси.

Според нив, проблемот со години се одвива со знаење и толеранција од страна на институциите, наместо со соодветна заштита на јавното здравје.

Граѓани велат дека откако е најавен протестот, оџаците на Цементарница не работат со „полна пареа“

„Кога УСЈЕ работи на најјако, нормално Скопје не се гледа! Денеска ќе има штрајк, оџаците исклучени и Скопје е преубаво“, вели жителка на Кисела Вода.

Од „Стоп за Усје“ порачуваат дека блокадата е замислена како мирен, но решителен протест, насочен против, како што велат, континуираното загадување и труење на жителите на градот.