Американскиот диџеј и продуцент Томас Весли Пенц, попознат под името Дипло, не можеше да влезе на забавата на која беше ангажиран да пушта музика затоа што обезбедувањето не го препозна. За работата да биде уште посмешна, необичната ситуација се случила ни помалку ни повеќе туку во склоп на филмскиот фестивал во Кан.

Дипло вчера на Инстаграм ја сподели снимката на која се гледа дека обезбедувањето не го пушта на јахтата.

„Ме ангажираа да пуштам музика вечерва во Кан, но обезбедувањето не сакаше да ме пушти внатре“, напиша тој во видеото. „Јатата беше празна па сакав да одам до ВЦ и да одам да јадам нешто“, додаде музичарот.

 

View this post on Instagram

 

A post shared by diplo (@diplo)

На видеото се гледа жена која им зборува на луѓето од обезбедувањето дека тој е вечерашниот диџеј, но тие едноставно не реагираа.

„За среќа се појави сопственикот кој ме пушти внатре“, напиша тој. Во описот на Инстаграм објавата напиша дека следниот пат ќе се додаде на листата со гости, за да нема непријатности.

Инаку, Дипло во својата кариера трипати доби Греми награда. Освен самостојно, настапува и како еден од членовите на групата „Major Lazer“.