„Нутела“ ги проширува своите граници, по повеќе од 60 години од само оригиналниот вкус на чоколадо и лешници, брендот го лансираше „Нутела“ од кикирики, „првата иновација на вкусот“ во својата историја.

Според групацијата „Фереро“, „Нутела“ од кикирики „нуди ново вкусно искуство кое ја спојува непогрешливата кремаста смеса на Нутела со прекрасниот вкус на печени кикирики“. Тие за првпат најавија воведување на нов вкус уште во 2025 година.

Поп-ап настанот за „Нутела“ од кикирики  ќе се одржи на 16 и 17 мај во САД, со целосно интерактивно искуство со „игри, награди и врвната ужина за која вреди да се игра“.

Инаку, оригиналната „Нутела“ беше во нулта гравитација заедно со астронаутите од мисијата Артемис 2 пред само неколку дена.

„Искрено, кога тегла Нутела ќе стане вирална лебдејќи во вселената, почнувате да чувствувате дека сè е можно. Па, природно, нашиот следен потег како бренд беше да ја претставиме нашата прва нова иновација на вкусот по повеќе од 60 години“, изјавил Ноа Шпорн, виш потпретседател за намази во „Фереро“ во Северна Америка.

 

View this post on Instagram

 

A post shared by Nutella (@nutella)