Нудистичко село: Место на Медитеранот во кое е дозволено да шетате голи – насекаде
Кап д’Агде е познато одморалиште на Медитеранот во јужна Франција, кое е 70 километри оддалечено од Монпелје. На неговиот североисточен дел се наоѓа голем нудистички ресорт наречен „Нудистичко село“, кој често го нарекуваат и „Голиот град“.
Неговиот главен адут? Им дозволува на гостите да шетаат без ниту едно крпче на телото – насекаде.
Во ова оградено нудистичко село, гостите на располагање имаат песочна плажа долга 2 километри, голема марина, камп со 2.500 места, хотел, апартмански комплекс, ресторани, ноќни клубови, кафулиња, пошта, банка, фризерски салон и други слични места.
Во секое од наведените места можете да шетате голи и никој нема да ве гледа чудно поради тоа. Дури и правилникот на ресортот ги поттикнува гостите да ја соблечат облеката од себе во секој момент, а не само кога доаѓаат на плажа.
На сите им е потребно час до два часа за да се опуштат кога првпат ќе пристигнат во „Натуристичкото село“, но потоа се очекува да ја складираат облеката на сигурно. Во вечерните часови кога е постудено, телото можете да го заштитите со парче облека по желба.
Правилникот на ресортот строго забранува фотографирање други гости и неморално однесување на јавни површини. Се очекува и да носите крпа со вас од хигиенски причини кога одите на места како ресторани или кафулиња каде што планирате да седнете.
„Нудистичкото село“ привлекува околу 40.000 нудисти секоја година, а сите капацитети за сместување се пополнуваат многу пред почетокот на туристичката сезона.