Ново шоу на Кирјос, овој пат влезе во клинч со судијата Вељовиќ
Лошото момче на тенисот, Ник Кирјос и во второто коло од Австралија Опен направи сцена во која се најде во центарот на вниманието на јавноста. За време на мечот тој влезе во жестока расправија во судијката поради технологијата која се употребува за време на мечевите.
Во второто коло, Кирјос за време не дуелот со Уго Умбер влезе во вербална расправија во судијката од Србија, Маријана Вељовиќ поради технологијата која го детектира контактот на топчето со мрежата за време на сервисот.
Кирјос во неколку наврати се жалеше на одлуките и тврдеше дека топчето поминало високо над мрежата, но технологијата го сигнализирала спротивното.
На почетокот од првиот сет, Кирјос и пријде на судијката Вељовиќ и бараше од неа да се ресетира технологијата, а по загубата на првиот сет со 5:7, настрада рекетот.
Polemiche in corso per Nick Kyrgios ?
Segui il match contro Ugo Humbert LIVE su https://t.co/1bcz0G3dc9 ed Eurosport Player ??#EurosportTENNIS | #AusOpen | #AO2021 pic.twitter.com/JoSdliJ3Fj
— Eurosport IT (@Eurosport_IT) February 10, 2021
– Топчето беше волку високо – покажуваше Кирјос кон судијката и додаде:
– Ресетирајте ја технологијата и погледнете ја снимката бидејќи е очигледно дека нешто не е во ред.
Во вториот сет Кирјос имаше сервис за израмнување во сетови и во тие моменти уредот повторно детектираше дека топчето ја удрило мрежата, по што влезе во вербална расправија со Вељовиќ.
– Исклучете го уредот. Ова ја уништува играта, дали ме разбирате. Не, не разбирате. Погледнете го резултатот, доколку не го исклучите, повеќе нема да играм – рече Кирјос.
Судијката Вељовиќ му рече да се врати на своето место и да продолжи да игра и до крајот на мечот кој го доби во пет сета (5:7,6:4,3:6,7:6,6:4) тој постојано коментираше и негодуваше поради одлуката на судијката Вељовиќ.