Американскиот олимписки и параолимписки комитет поднесе тужба против инфлуенсерите кои пред извесно време го лансираа енергетскиот пијалак „Прајм“. Тие се обвинети за злоупотреба на олимписки фрази и симболи.

Комитетот ги обвинува влијателните личности дека ги злоупотребуваат олимписките фрази и симболи и ги користат „намерно и со лоша намера“ за свои цели. Според Олимпискиот комитет на САД, „украдените симболи“ се заштитени со заштитен знак, а комитетот ги користи како логоа на специјалното издание на олимписки пијалак за хидратација во кој е претставена кошаркарската ѕвезда и трикратен олимписки освојувач на златен медал, Кевин Дурант. Комитетот тврди дека немаат договор со компанијата „Прајм“ за употреба на олимписка терминологија и сметаат дека тоа се погрешни маневри.

Според Би-би-си, Американскиот олимписки и параолимписки комитет навистина соработувал со „Прајм“, но по бројните критики за штетноста на пијалакот, тие потоа ја прекинале соработката. Сепак, „Прајм“ продолжува да го продава пијалакот со олимписки симболи. Пијалакот предизвика глобална еуфорија во 2022 година поради две ѕвезди, кои ја опфатија и Словенија, објави Н1 Словенија. Во некои продавници, пијалак „Прајм хидрејшн“ од половина литар, може да чини и до 10 евра.