НОВА ХАЈКА по чудовиштето од Лох Нес – Слободен печат
ВестиПланета

НОВА ХАЈКА по чудовиштето од Лох Нес

Низ историјата, илјадници авантуристи и истражувачи се обидуваат да ја пронајдат Неси во познатото езеро.

Неодамна излезе теорија која го сруши митот за постоењето на чудовиштето од Лох Нес, но тоа воопшто не им се допадна на љубителите на теории на заговор.

Затоа, околу 18.000 Британци, преку група на Фејсбук, се организираат на 21 септември да започнат најголема потрага по Неси досега.

Уште 38.000 луѓе се заинтересирани за овој настан. Сепак, ваквата акција ги крена на нозе Кралските служби за спасување.

Низ историјата, илјадници авантуристи и истражувачи се обидуваат да ја пронајдат Неси во познатото езеро. Постојат дури и очевидци кои се сигурни дека го виделе чудовиштето, а низ времето се појавија и фотографии, чија автентичност подоцна е демантирана.

Неодамна, група научници, преку ДНК-анализи на примероци од водата во Лох Нес, покажаа постоење на јагули кои може да пораснат неколку метри (поради мутација). Но, доказ за постоење на вид кој не ѝ е познат на науката, не е пронајден.

РЕШЕНА МИСТЕРИЈА? Научниците сметаат дека конечно ја открија вистината за Неси

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close