Нов пар на македонската естрада? Летаат љубовни стрели помеѓу Ноне Неделковска и нејзиниот помлад колега Огнен Здравковски (ФОТО)
Има една стара македонска поговорка, која гласи: „Каде што има дим, таму има и оган“. Епа, очигледно така може да се објасни ситуацијата помеѓу младиот пејач Огнен Здравковски и неговата повозрасна колешка, познатата Ноне Неделковска.
За тие што не знаат, Ноне поради пандемијата со коронавирусот која хара низ целиот свет, мораше да ја прекине својата авантура со крузерите и да се стационира во родниот Велес.
Бидејќи таа е веќе неколку месеци дома и чека да заврши лудилото со вирусот, повеќето од своето слободно време го поминува на социјалните мрежи. Па, ако ги посетите нејзините профили на Фејсбук, а особено на Инстаграм она што прво ќе го забележите под фотографиите, се љубовните коментари на младиот Огнен.
Тој речиси не пропушта прилика, а да не искоментира на фотка од Ноне, а на една од фотографиите тие водат љубовна конверзација, која започнува вака:
Огнен: „Тој осмех“
Ноне: „Волим осмех свој, баш добро ми стоји“
Огнен „И ја га волим и прекрасно ти стоји“
Станува збор за оваа фотографија на познатата пејачка:
Ова не е единствена фотографија на која Огнен и Ноне си разменуваат „срциња“, „јагоди“, „детелини“, „бакнежи“ и што ли уште не…
Пријател на пејачот кој од разбирливи причини сакаше да остане анономен, ни изјави дека Огнен е буквално „полуден“ по Ноне.
– Кога и да разговарам со него, тој постојано зборува за Ноне, мислам дека не ја вади од глава. Јас искрено мислам дека ќе се случи нешто помеѓу нив двајца – наскусо ни изјави пријателот на Здравковски.
Дали е на повидок нова љубовна романса на македонската естрада, останува времето да покаже…
Инаку пејачот Огнен на денот кога ја промовираше својата најнова песна „Љуби ме“, на јавноста и соопшти дека добил позитивен резултат на коронавирусот.
Ова е неговата најнова песна: