Нов актерски пар во Холивуд? По гласините за нивната романса, Остин Батлер и Зои Кравиц го поминаа викендот заедно
Актерката Зои Кравиц (36) и актерот Остин Батлер (33), кои претходно предизвикаа гласини за романса и ќе глумат заедно во претстојниот филм „Caught Stealing“, го поминаа викендот заедно во Њујорк, објави „Пејџ сикс“.
Препорачано
Zoe Kravitz, Austin Butler spotted out together at immersive NYC show after sparking romance rumors https://t.co/10UpuJSc7a pic.twitter.com/2f0WZPMGry
— Page Six (@PageSix) July 20, 2025
Повеќе извори велат дека Кравиц и Батлер отишле да ја видат новата претстава на Punchdrunk Theater наречена „Собата на Виола“. Тие присуствувале на претставата заедно со режисерот на нивниот филм, Дарен Аронофски.
По претставата, актерските ѕвезди ја продолжиле вечерта заедно. Патем, Кравиц и Батлер беа фотографирани како се бакнуваат на снимањето минатата година, еден месец пред да заврши снимањето во октомври 2024 година.
„Нивната хемија е исто толку добра и надвор од екранот како и на него. Остин и Зои ја држат својата врска во тајност и сè уште не ѝ ставиле етикета. И двајцата имаат почит кон своите бивши партнери“, рече извор претходно.
Кравиц ја раскина свршувачката со актерот Ченинг Тејтум истиот месец по три години врска, а Батлер и неговата поранешна девојка, моделот Каја Гербер, наводно се разделиле кон крајот на 2024 година, исто така по три години врска. Ѕвездите сè уште не ги коментирале шпекулациите околу нивната нова романса, иако претставникот на Батлер претходно наводно негираше каква било романса меѓу нив.
Да потсетиме дека Батлер и Гербер почнаа да се забавуваат пред неколку години, а првите гласини дека се заедно се појавија во 2021 година. Тие официјално ја потврдија својата врска на Денот на вљубените 2022 година, а истата година се појавија заедно на црвениот тепих за првпат. Во јануари беше потврдено дека раскинале.
Тејтум и Кравиц се запознаа во 2021 година додека работеа на филмот „Трепкај двапати“, а се свршија две години подоцна. Но, кога заврши медиумската турнеја на филмот, двојката почна да размислува за брак, што се покажа како клучно за нивната љубов бидејќи сфатија дека немаат исти желби во љубовта.
