Полициската управа на Њујорк денес издаде предупредување до граѓаните да ја избегнуваат областа на познатиот плоштад „Тајмс“ поради „активна полициска истрага“.

Во соопштение објавено на социјалната мрежа „Икс“, делот од Седмата авенија помеѓу 42-ра и 44-та улица, вклучувајќи го и аголот на 43-та улица, каде што се наоѓа канцелариската зграда на „Тајмс Сквер“ со број 3, е затворен.

На работниците во таа зграда им беше наредено да се оддалечат од прозорците, додека многумина беа преместени на приземјето од зградата.

На терен има бројни возила на службите за итни случаи, а сообраќајот во околните улици е забавен.
Овој дел од Менхетен е вообичаено еден од најпрометните во градот, особено за време на утринскиот шпиц.

Полицијата сè уште не објавила дополнителни детали за природата на истрагата, а извештаите за потенцијални закани сè уште не се потврдени.

Некои медиуми објавија дека Тајмс Сквер бил евакуиран попладнево поради закана од бомба.