Во скопските општини каде што масовно се празнува верскиот празник Курбан Бајрам, денеска ќе бидат поставен специјални контејнери за одложување на органскиот отпад од курбанот, информираа од ЈП „Комунална хигиена-Скопје“.

Садовите ќе бидат поставени во текот на денешниот ден, по 14:00 часот.

-ЈП „Комунална хигиена-Скопје“ апелира до верниците органскиот отпад да го одлагаат исклучиво во поставените садови, затоа што неговото исфрлање на јавни површини може сериозно да го загрози јавното здравје и да ја загади животната околина- се наведува во соопштението.

Подолу можете да ги видите локациите каде што ќе бидат поставени контејнерите за одлагање органски отпад:

1. Општина Шуто Оризари – автобуска станица на последна 19-ка; кај маркет Харбин.
2. Општина Бутел – во близина на џамијата Бедр – Бутел 1.
3. Општина Гази Баба – гробишта Камник;во непосредна близина на џамијата во нас.Ченто.
4. Општина Чаир – во близина на ресторанот Фа-Фа; во близина на новата џамија во Чаир;во близина на џамијата во Тенеке маало; во близина на Теќето во Дуќанџик; раскрсница на булеварот „Адем Демачи“ со улицата „Дижонска“; раскрсница улица „Џон Кенеди“ со улица „22 Ноември“.
5. Општина Сарај – кај езерото Треска.
6. Општина Арачиново – на излезот, во близина на гробиштата.
7. Општина Студеничани – во село Студеничани; во село Моране и во село Батинци.