ГРАЃАНИТЕ НЕМААТ ДРУГА ОПЦИЈА НА ОВИЕ ИЗБОРИ, НАШАТА ПРОГРАМА Е ОД НАЈГОЛЕМ ИНТЕРЕС ЗА НИВ, БИДЕЈЌИ КАКО И ДОСЕГА СЕ ТРУДИМЕ ШТО Е МОЖНО ПОВЕЌЕ ПАРИ ДА НАСОЧИМЕ КОН ГРАЃАНИТЕ, ДА ИНВЕСТИРАМЕ ВО МЛАДИТЕ

-Ние ветивме и дадовме збор дека ќе има нова мерка за земјоделците – зелена нафта. Правевме што правевме, го донесовме законот кој што го опструираше опозицијата и веќе втора година по ред над 55.000 земјоделски стопанства добиваат 50% покриентост на зелената нафта за механизација. До крајот на вториот мандат очекуваме таа да биде 100%. Ова се средства и имаме повеќе пари бидејќи не градиме споменици и статуи. Кога се однесувате домаќински има пари за се, изјави во „Утрински брифинг“ на „Слободна ТВ“ генералниот секретар на СДСМ, Љупчо Николовски.

Говорејќи за основните проблеми на граѓаните на истокот од земјата, Николовски изјави дека активно се работи на спроведување на мерките кои што се предвидени во програмата.

-Не сме направиле се и затоа велиме дека можеме и повеќе и подобро. На оваа држава и се отворени и многу грантови и фондови. Го бараме мандатот за до крај да ги спроведеме нашите политики и да продолжи развојот на нашата земја.

НАТО И ЕУ

-ВМРО-ДПМНЕ не спомнуваат НАТО и ЕУ. Зошто? Затоа што е тоа веќе завршена работа. На овој период од преговарање со ЕУ ќе се потсетуваме како на тинејџерските денови – тоа ќе бидат најубавите години кога отвараме многу фондови. Две и пол милијарди евра имаме одлука за поддршка на нашето стопанството, заради тоа што добивме одлука за преговарање со ЕУ. Правата на работникот се светост. Мизерно и срамно е што ВМРО-ДПМНЕ единаесет години ја држеше минималната плата на 9.000 денари. Ние покажавме дека две и пол години за 60% минималната плата да биде покачена. Денеска велиме дека до 20.000 денари ќе биде минималната плата во наредниот период. Отворањето на вратите и границите значи и подобар живот за граѓаните.

ПРЕСПАНСКИ ДОГОВОР

-Мене ми е јасно за малите политички партии и нивниот став за Преспанскиот договор. Но, имаме најголема опозициска партија која не кажува што ќе прави со Договорот од Преспа. Тие не ни аплаудираа на членството во НАТО. Сиљановска ни кажува дека ќе го поништувале. Еден став имаат за внатре, друг за надвор, изјави Николовски.