Фудбалерите на Нигерија убедливо го победија Мозамбик (4:0) во осминафиналето на Африканскиот куп на нации.

Триото Виктор Осимен, Адемола Лукман и Акор Адамс беа стрелците за нигериската селекција за пласман во четвртфиналната фаза.

Веќе по првото полувреме беше јасно дека Нигеријците ќе ја оправдаат својата улога на фаворит.

Адамс имаше две асистенции – Лукман постигна гол во 20 минута, а Осимен во 25 минута.

Осимен го зголеми резултатот во 47 минута, по асистенцијата на Лукман, а напаѓачот на Аталанта имаше асистенција во 75 минута, кога Адамс, играч на првиот тим на Севиља, постигна гол.

Нигерија продолжи со одличните настапи и го доби четвртиот натпревар на континенталниот турнир.

Нивниот следен противник, во сабота од 17.00 часот во Маракеш, ќе биде подобриот тим од дуелот Алжир – ДР Конго.