Хрватскиот репрезентативец Анте Ребиќ предизвика бура во хрватска јавност со последната објава на Инстаграм. Само неколку часа по објавата, хрватскиот репрезентативец го избриша налогот на Инстаграм поради бројните негативни коментари.

Ребиќ се најде на удар на јавноста по натпреварот со Шпанија бидејќи во моментите кога „фуријата“ го постигна првиот гол, тој покрај теренот ги менуваше копачките, а по натпреварот неговиот потег го критикуваа и селекторот Златко Далиќ и капитенот Лука Модриќ.
Селекторот Далиќ, по елиминацијата од Шпанија изјави дека некои фудбалери ги потрошија сите кредити, а очигледно е дека Ребиќ се најде прозван од ваквата изјава.
„По се што се случи, не е важно кој е виновник. Фактот е дека ние во последните 2-3 години ние сме ср*ње. Лично, жал ми е што немавме некој да ја искористи оваа талентирана генерација“, напиша Ребиќ на Инстаграм пред да го избрише профилот на оваа социјална мрежа.