Невообичаена тужба: Бетмен против италијански трговец со облека

Image: 351791500, License: Rights-managed, Restrictions: , Model Release: no, Credit line: Carolyn Jenkins / Alamy / Alamy / Profimedia

Логото на Бетмен е доволно препознатливо за да гарантира статус на трговска марка во ЕУ, одлучи европскиот суд во средата, прифаќајќи ги аргументите на американскиот издавач на стрипови „ДС Комикс“ во спорот против италијанскиот продавач на облека. Во 2019 година, италијанската компанија Комерциале Италиана побара од европската канцеларија за патенти EУИПО да ја поништи трговската марка за облека и предмети од „ДС Комикс“, велејќи дека нема препознатлив карактер, пренесува порталот Пословни хр. Американскиот издавач на стрипови го регистрираше логото на Бетмен на EУИПО пред повеќе од 20 години. Европската канцеларија го одби барањето на италијанската компанија, која се жалеше до Генералниот европски суд. Во средата, судиите го поддржаа ставот на ЕУИПО.

„Доказите доставени до Општиот суд не се доволни да го поддржат тврдењето дека трговската марка регистрирана во ЕУ, лилјак на овална позадина, не била препознатлива на датумот на барањето за регистрација“, се вели во пресудата.

Поради тоа признание, релевантната публика, според ЕУИПО, ја поврзува стоката со таа трговска марка со ДС Комикс и ја разликува од стоките на другите компании, заклучува судот. Италијанската компанија може да ја обжали пресудата до Второстепениот европски суд.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот