Репрезентацијата на Хрватска вчера загуби со 5:3 во осминафиналето на Евро 2020 од Шпанија, но два гола прими поради неверојатни потези на своите играчи.
Хрватите поведоа со најбизарниот автогол во историјата на ЕП, но во 38. минута Шпанија дојде до израмнување со голот на Сарабија, а во тие моменти Анте Ребиќ беше надвор од теренот бидејќи ги менувал копачките.
– Тоа се бизарности, не се случуваат често и на секого. Вакво нешто против Малта и Кипар може да се направи, но против Шпанија не смее. Тоа менување на копачки на седум минути до крајот на полувреме, репрезентација како Шпанија ќе ве казни буквално за се – го коментираше потегот на својот играл, селекторот Златко Далиќ.

Хрватските медиуми не го обвинија Ребиќ како единствен виновник за поразот, бидејќи и останатите репрезентативци направиле грешки, посебно таа на Јошко Гвардиол кој покрај теренот пиел вода додека Шпанците изведуваа прекин по кој го постигнаа третиот гол.
Шпанија победи со 5:3 по продолженијата откако во регуларниот дел резултатот беше 3:3, и во четвртфиналето на Евро 2020 ќе игра против Швајцарија.