Српскиот доктор Бранимир Несторовиќ кој неколку пати ја шокираше српската јавност со неговите изјави, гостувајќи во Пинк враќањето на земјата во нормала го поврза со враќањето на криминалот.

„Нема поента и понатаму да се ограничуваат луѓето, мислам дека тоа сега би било и невозможно, тоа е мое лично мислење“, рече Несторовиќ.

Докторот смета дека би имало побуна ако повторно почнат ограничувањата и дека повеќето од луѓето психички ја поминале епидемијата.

„Гледајте ги вестите, сега се случуваат убиства како во старите добри времиња. Убиство, насилство, сега ќе почнат и грабежите на банките. Се враќаме во нормала. Луѓето не сакаат веќе да слушаат за тоа, тоа е нормален механизам“, рече Несторовиќ, пренесува Телеграф.

Балканот слушна за д-р Несторовиќ на 27 февруари, кога го нарече новиот коронавирус „најсмешниот вирус во историјата на човештвото кој постои само на Фејсбук“, а жените ги советуваше да одат во Милано на шопинг, бидејќи ги „штити естрогенот“.