По завршувањето на кошаркарското дерби меѓу Куманово и Пелистер, избувнала масовна тепачка меѓу навивачките групи, во која биле нападнати полицајци и биле оштетени возила на гостинскиот клуб.

Според информациите од МВР, во нередите учествувале повеќе лица, а дел од нив се нафрлиле и на службените полициски екипи кои се обидувале да ја смират ситуацијата. Еден од учесниците, 23-годишниот К.Ж. од Куманово, бил идентификуван преку видеоснимки како оштетува возила на Пелистер со тврд предмет. Тој веднаш бил приведен во станица.

Полицијата најавува продолжување на истрагата и дополнителни мерки, со цел да бидат откриени и другите лица кои учествувале во пресметката.

Во меѓувреме, спортскиот дел заврши со победа на Пелистер, кој славеше со 87-79, но исходот на теренот остана во сенка на нередите по натпреварот.

Преземено од: Sport.com.mk