Никој не го очекуваше враќањето на овој моден детаљ, но изгледа дека тој станува се поактуелен.

Не се сите многу полудени по животинскиот принт, но добро е понекогаш да се излезе од комфорт зоната и да се пробаат нови работи. Доколку планирате да го освежите гардероберот изберете парчиња со дискретни детали од зебра принт.

Токму овој дезен станува моден хит на летната сезона. Поради црно-белата комбинација лесно се вклопува во скоро сите стилови, не е премногу нападен како леопардскиот или змијскиот, а сигурно ќе го направи секој стајлинг интересен.

Тој не мора да биде во центарот на вниманието, доволно е да е чанта или сандали во овој принт за да се „зачини“ изгледот.

Но, не е забрането ниту претерување. Доколку саката моќни дезени, слободно облечете фустан во овој интересен принт и нема да згрешите.

Пораката на дизајнерите е: Се е дозволено додека во тоа се чувствуваме убаво.