Земјотрес со јачина од 3,1 степен според Рихтеровата скала утринава во 7 часот и 20 минути беше почувствуван на територијата на Македонија, соопшти Европско-медитеранскиот сеизмолошки центар (ЕМСЦ).

Според првичните податоци, епицентарот на земјотресот се наоѓа во пограничниот регион меѓу Косово, Србија и Македонија, на околу 35 километри југоисточно од Приштина и 11 километри источно-североисточно од Феризај.

Земјотресот е регистриран на длабочина од девет километри.

Од ЕМСЦ наведуваат дека станува збор за автоматска, колективно пријавена детекција, која сè уште не е официјално потврдена од сеизмолог.

Некои граѓани веќе се пошегуваа дека земјотресот бил уште еден утрински „аларм“ за работа.

Слаб земјотрес утрово во Македонија