Немате идеја за денешниот ручек? Наш предлог – Мусака со модри патлиџани (РЕЦЕПТ)
Сигурно одамна не сте ја подготвиле, а можеби сте од оние кои никогаш не ја подготвиле?! Денес е денот за мусака со модри патлиџани – нема да погрешите!
Состојки:
4 модри патлиџани
500 грама мешано мелено месо
200 грама кисела павлака
3 јајца
1 кромид
неколку чешниња лук
мешан сув зачин
оригано
1 лажица буковец (лут или благ по ваш избор)
1 морков
масло за јадење
Подготовка:
Во тава на оган кратко пропржете ги кромидот и лукот, кои претходно ситно сте ги исечкале. Потоа, додајте го и ренданиот морков и повторно пржете неколку минути. Откако состојките убаво ќе омекнат, во тавата додајте го и месото, пржете го неколку минути, а потоа тргнете го од оган. Убаво зачинете го.
Откако ќе го подготвите филот за мусаката, почнете со подготовка на модрите патлиџани. Измијте ги, а потоа исечете ги на крукчиња.
Постапката за подготвување на оваа мусака е иста како и подготовката на класичната мусака со компир. Во подлабока тава наредете ред модри патлиџани, ред фил. Редете сѐ додека имате од состојките.
На крај, во друг сад изматете ги киселото млеко и јајцата. Со добиената смеса прелијте ја мусаката.
Вака подготвената мусака, печете ја во претходно загреана рерна на температура од 200 степени околу еден час.