Од едноставен овчарски оброк до еден од најпознатите појадоци во светот омилен на луѓе од сите сталежи – така би можела накратко да се опише приказната за муслите. Денес тие се симбол на здравата исхрана, но нивното потекло е многу поинтересно отколку што повеќето луѓе претпоставуваат.

Кога ќе се спомне мусли, повеќето луѓе помислуваат на здрав појадок составен од овесни снегулки, овошје и јаткасти плодови. Малкумина, пак, знаат дека ова популарно јадење не настанало како современ тренд на здрава исхрана, туку има историја долга повеќе од еден век, пишува „Метрополитен“.

Зад еден од најпознатите појадоци во светот стои швајцарскиот лекар Максимилијан Оскар Бирхер-Бенер, кој пред повеќе од сто години создал посебен оброк за своите пациенти. Во тоа време муслите воопшто не биле наменети за појадок. Во неговиот санаториум се служеле како „диететско јадење од јаболка“.

Според некои преданија, инспирацијата за рецептот ја добил за време на пешачење низ Алпите, кога една млекарка го послужила со сличен оброк. Се смета дека алпските овчари јаделе вакво јадење со векови, а лекарот ја приспособил старата традиција и ја претставил пред пошироката јавност.

Бирхер-Бенер верувал дека правилната исхрана може значително да влијае врз здравјето и закрепнувањето на луѓето. Неговото јадење од јаболка било лесен оброк наменет за зајакнување на организмот и враќање на животната енергија. Швајцарскиот лекар бил голем поборник на суровата исхрана и сметал дека силно преработената и варената храна е помалку корисна за човековото здравје.

Таквото размислување било прилично необично кон крајот на деветнаесеттиот век. Во тој период многу луѓе верувале дека месото е најважниот извор на енергија, додека суровото овошје и зеленчук честопати биле избегнувани, особено од лица со дигестивни проблеми. Бирхер-Бенер повторно ги запознавал своите пациенти со интегралните житарки, свежото овошје и природната исхрана. Поради своите ставови често бил сметан за чудак, но подоцна се покажало дека бил далеку пред своето време.

Според некои преданија, инспирацијата за рецептот ја добил за време на пешачење низ Алпите, кога една млекарка го послужила со сличен оброк. Се смета дека алпските овчари јаделе вакво јадење со векови, а лекарот ја приспособил старата традиција и ја претставил пред пошироката јавност.

Само четири основни состојки

Првобитниот рецепт бил многу едноставен. Содржел само овошје, јаткасти плодови, млеко и овесни снегулки. Со текот на времето ова необично „лековито јадење“ се проширило и надвор од санаториумите и нашло место во секојдневната исхрана на многу семејства.

Од четириесеттите години на минатиот век, швајцарските семејства честопати јаделе мусли дури и за вечера. Набргу тоа се појавило во мензи, домови за стари лица, па дури и во војската.

Рецептите се менувале низ децениите. Овесните снегулки често се мешале со други житарки, а засладеното кондензирано млеко било заменувано со обично млеко, павлака или јогурт. Така настанале безброј варијанти што денес се познати низ целиот свет.

Оригиналниот рецепт на Максимилијан Оскар Бирхер-Бенер

Состојки:

– 1 лажица овесни снегулки
– 3 лажици вода
– 1 лажица засладено кондензирано млеко
– сок од половина лимон
– 1 поголемо или 2 до 3 помали јаболка
– 1 лажица ситно сечкани јаткасти плодови

Подготовка:

Овесните снегулки прелијте ги со три лажици вода и оставете ги да отстојат околу 12 часа, односно преку ноќ. Следниот ден додајте една лажица засладено кондензирано млеко и сок од половина лимон, па добро измешајте.

Јаболкото изрендајте го заедно со кората и средишниот дел со семките, а потоа вмешајте го во подготвената смеса. На крајот додајте ги ситно сечканите јаткасти плодови и повторно промешајте. Оброкот е подготвен за сервирање.

Совет од нашите баби за динстано месо кое се топи во уста — внимавајте, уште на почетокот треба да ја додадете оваа состојка