Нејмар го провоцира ПСЖ, виси трансферот во Барселона? - Слободен печат
СпортФудбал

Нејмар го провоцира ПСЖ, виси трансферот во Барселона?

Случувањата околу статусот на Нејмар пред денешното враќање во Париз се искомпликуваа откако се вмешаа шпанските власти.

Бразилскиот репрезентативец Нејмар се очекува во текот на денот да пристигне во Париз и веднаш да одржи состанот со директорот на ПСЖ, Леонардо. Темата на разговорот ќе биде желбата на Нејмар да го напушти францускиот тим и да се врати во Барселона.

Тој со своите постапки се обидува да ги натера челниците на екипата конечно да попуштат и да му дозволат да си замине за разумна цена. Нејмар минатиот понеделник не се појави на стартот од подготовките на екипата, наместо тоа, замина во Торино каде заедно со Кристијано Роналдо снимаа реклама за „Најки“. Згора на тоа, Нејмар викендов изјави дека најдрагата победа во кариерата му е триумфот од 6:1 на Барселона токму над ПСЖ.

Сепак, за Нејмар доаѓаат лоши вести од Барселона бидејќи се замешаа и шпанските власти. Даночната полиција на Шпанија покрена истрага против Нејмар за неговиот престој во Барселона и дојде до заклучок дека тој на шпанскиот даночен систем му должи 35 милиони евра.

Со овој потег на даночната полиција се компликува неговото враќање во Барселона, а со слични обвинувања Нејмар се соочува и во родниот Бразил каде властите му замрзнаа дел од имотот во вредност од 16 милиони евра.  Причина за тоа е неговиот трансфер од Сантос во Барселона, но во истрагата, Нејмар не е главен осомничен, туку неговиот поранешен клуб и тоа поради финансиски малверзации и затајување на данок.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close