Веќе подолго време се зборува за враќање на Нејмар во Бразил, поточно во тимот на Сантош, каде ја започна својата професионална кариера.

Бразилскиот фудбалер наводно се согласи да се врати во клубот од каде што започна сѐ, само сега тоа враќање изгледа најблиску до тоа да биде реално.

Има силен договор со Ал Хилал за кој одигра само два натпревари, но и покрај сѐ ќе бара исплата на целиот договор чија сума воопшто не е мала.

Доброто е што сите страни сакаат Нејмар да се врати во Бразил, бидејќи преселбата во Сантош значително би го олеснила товарот на буџетот на Ал Хилал.

Доколку се реализира овој трансфер и Нејмар навистина стане член на тимот на Сантош, би имал цел да се врати во форма и да биде капитен на бразилската репрезентација на следното Светско првенство кое е закажано за 2026 година во САД, Мексико и Канада.