Владата на Белорусија почна да ги ослободува од притвор граѓаните кои изминатите денови ги приведе на демонстрациите против изборната победа на претседателот Александар Лукашенко.

Според очевидци и снимки што се споделуваат на социјалните медиуми, голем број од ослободените демонстранти имаат видливи повреди. Приведените граѓани тврдат дека биле држани во нехумани услови и биле малтеретирани од полицијата.

Вака белоруската полиција ги понижува уапсените: Крвави и помодрени, принудени да се одречат од кревање револуција (ВИДЕО)

Во повеќедневните протести во Белорусија загинаа најмалку две лица, а над 6.700 луѓе се приведени.

Во меѓувреме белорускиот министер за внатрешни работи Јуриј Карајев им се извини на граѓаните.

– Преземам одговорност и се извинувам за повредувањето на граѓаните, изјави Карајев.

Соработничката на претседателската кандидатка Светлана Тихановскаја, Марија Колесникова упати апел до градоначниците да организираат мирни протести.

– Сите градоначалници во Белорусија на 15 и 16 август би требало да организираат протести во сите градови. Да се слушне гласот на народот и нивното мислење, но на мирен начин, истакна Колесникова.

Страотни сцени од Минск: Полицијата пука во народот (ВИДЕО)

Солидарност со повредените: Стотици жени во бело формираа „жив синџир“ на плоштадот во Минск (ФОТО)