Неделковски: Во мое име, и во име на ФК Вардар се извинувам што испеавме вулгарна, навивачка песна
Играчите на Вардар во петокот и официјална стана шампион за сезонава во Првата македонска фудбалска лига (ПМФЛ).
Препорачано
Скопските „црвено-црни“ предводени од тренерот Гоце Седлоски триумфираа над Струга со 1:0.
За новиот првак останува уште еден натпревар, на 23 мај на домашен терен ќе ја пречека тетовска Шкендија.
По триумфот над Струга, следуваше големото славје кај играчите на Вардар кој повторно е на врвот по цели шест години.
Во текот на славјето, на социјалните мрежи излезе видео во кое се гледа како играчите ја слават титулата и со вулгарна песна кон Битола.
Извршниот директор на ФК Вардар, Миленковски Неделковски се огласи на социјалните мрежи со извинување поради тоа што се случи за време на славјето:
– Во мое име пред сѐ, а и во име на клубот, ѝ се извинувам на Каролина Гочева бидејќи во еуфорична прослава испеавме стандардна, но за жал вулгарна, навивачка песна. Но, од машка гледна точка, а имајќи ја предвид Битола, кому таква песна да пееме? Нa Весна Бендевска ли? Во Вардар играат и работат мажи со префинет вкус – стои во објавата на Неделковски.
