Променливо облачно со сончеви периоди и температури повисоки од просечните за декември, најавуваат синоптичарите од Управата за хидрометеоролошки работи (УХМР).

Претпладне во некои котлини ќе има магла. Ќе дува слаб, a долж Повардарието умерен северен ветер.

Во понеделник, според прогнозата на УХМР, највисоката температура ќе достигне 14 степени.

Во Скопје, претпладне во делови од котлината ќе има појава на слаба магла. Во текот на денот променливо облачно со сончеви периоди. Ќе дува слаб ветер од северен правец.

До четврток времето ќе се задржи сончево со мала до умерена облачност и речиси пролетни температури до 17 степени.