Дијана Хрка, мајката на дете од 16 години кое е една од жртвите по падот на настрешницата во Нови Сад и која штрајкува со глад пред Собранието деветти ден, денеска им се обрати на граѓаните на Србија по телефонскиот разговор со српскиот претседател и рече дека одбила средба со Александар Вучиќ, пишува Данас.рс.

„Ме покани да одам на разговор со него, но бидејќи рече дека не е одговорен за обвинителството, ниту за моите барања, не знам што да го прашам, за што да разговарам по една година“, рече Хрка.

Таа додаде дека верува оти поканата е дадена за Вучиќ да се „стави во преден план“ и да го прикрие фактот дека врз неа е испукан топовски истрел.

„Сакам институциите да си ја завршат работата и да утврдат кој го испукал топовскиот истрел кон мене, кој дошол од Ќациленд“, изјави Хрка.

Вучиќ информираше дека утрово разговарал по телефон со Хрка и со Угљеша Мрдиќ.

„Ги замолив да го прекинат штрајкот со глад, за да не си наштетат, за да имаат време за каква било политичка борба. Ја замолив г-ѓа Хрка да размисли и ја поканив во Претседателството на разговор“, рече тој.

Хрка го почна штрајкот со глад на 2 ноември во 11:52 часот, по големиот протест во Нови Сад одржан на годишнината од несреќата во која смртно настрадаа 16 луѓе.

Вучиќ ѝ одговори на Дијана Хрка, не пропушти да се пожали колку нему му е тешко