Не успеа Јунајтед: Санчо со „милионерите“ во Швајцарија!
Англискиот фудбалер е на списокот играчи кои ќе бидат дел од подготовките на Борусија Дортмунд пред почетокот на новата сезона.
Претходните денови се шпекулираше дека можно е Џејдон Санчо да се пресели во редовите на Манчестер јунајтед.
Како што информира „Билд“, на англискиот клуб му беше поставен рок до 10 август да одлучи дали сака да плати 120 милиони евра за реализација на трансфер.
Jadon Sancho has joined up with the Borussia Dortmund squad for a training camp in Switzerland – despite talks ongoing over a move to Manchester United
— Sky Sports Premier League (@SkySportsPL) August 10, 2020
Денеска е објавено дека Санчо одлучи да замине на подготовки со Борусија, и отпатува со „милионерите“ во Швајцарија.
„Црвените ѓаволи“ не успеаја летово да ги обезбедат услугите на играчот, иако наводно се договориле двете страни околу личните услови и дека наскоро ќе биде потврден петгодишен договор вреден 88 милиони евра.
Првите луѓе од „Олд Трафорд“ и натаму ќе бидат активни на трансфер пазарот, според „Дејли Мејл“ сега ја следат ситуацијата со крилниот фудбалер на Јувентус, Даглас Кошта.