Не му кажале на Мицкоски дека сега никој не може да го собира отпадот во Скопје, вели Арсовска
Градоначалничката на Скопје, Данела Арсовска, вечерва на социјалните мрежи напиша дека на премиерот Христијан Мицкоски не му кажале дека со притворувањето на директорот на „Комунална хигиена Скопје“ и уште еден раководител, сега во претпријатието нема кој да потпишува за да може да се собира отпадот во главниот град.
Препорачано
На директорот на КХС Сабахудин Рустеми и раководителот во КХС Аки Саити, кои вчера беа уапсени, денеска им беше одреден притвор од 30 дена, а тие се товарат токму за алармантната ситуација со ѓубрето во Скопје.
„Во режијата на МВРО на Мицкоски за приведување на директорот на Комунална хигиена, заборавиле на ДИКТАТОРОТ да му кажат дека сега нема кој да потпишува во претпријатието, за да може и со тие неколку камиони што не успеале да ги саботираат да се собира отпадот. Почитуван РЕЖИМСКИ ДИКТАТОРУ, бидејќи вети за 72 часа ќе бил исчистен отпадов, ајде таман денес вторник, дај име од утре за директор бидејќи овој што не ти чинеше го уапси, да видиме кој е тој ТВОЈ јунак што ќе го исчисти за три дена градот. Таман до петок пред избори да е чисто, гордо во недела да те гласаат сите“, пишува Арсовска во објава на социјалните мрежи.
Приведени директорот на „Комунална хигиена Скопје“ и уште еден раководител
