НЦАА: Вашингтон Стејт елиминиран, нова „десетка“ за Јакимовски
Екипата на Вашингтон Стејт доживеа елиминација откако загуби од составот на Орегон Дакс со конечен резултат 70:75.
Македонскиот кошаркар Андреј Јакимовски и неговиот Вашингтон Стејт застанаа во четвртфиналето од квалификацискиот турнир во Лас Вегас, за пополнување на местата кои водат во „најдобрите 64“ од овогодинешното издание на НЦАА лигата.
Во драматичен натпревар кој беше решен во последните две минути, Кугарс надополнија негатива од 19 поени разлика (15:34). Во вторито дел имаа и водство од 62:58, потоа и 70:68. Но, серијата од 7:0 за противникот во финишот го одлучи победникот.
Нашиот репрезентативец Јакимовски беше еден од најдобрите во екипата на Вашингтон Стејт. Реализираше 10 поени, исто како и на претходниот дуел, во осминафиналето, на кои додаде и по три скокови и исто толку додавања за 36 минути во игра.
Победникот во овој меч, екипата Орегон ќе игра во конференциското полуфинале против УКЛА, а Вашингтон Стејт ќе почека да недела да види дали ќе настапи на National Invitational Tournament (NIT), каде учествуваше и минатата сезона.
ВИДЕО | Maкедонецот Јакимовски постигна десет поени за Вашингтон, но остана без заб