НБС најостро го осуди спречувањето на влез на динари во Косово
Со особена загриженост, Народната банка на Србија најостро го осуди повтореното спречување на транспортот и дистрибуцијата на динари на Косово и Метохија и неможноста да се снабдува српскиот народ со основни средства за живот. НБС повтори дека е неопходно што поскоро да се стават вон сила дискриминаторските, незаконски и неевидентирани мерки што институциите во Приштина ги воведоа со цел да му ги оневозможат основните услови за живот на српското население на Косово и Метохија, пишува Н1.
„Решението на целиот создаден проблем несомнено би се постигнало со враќање на претходниот начин на транспорт на динари и вршење платежни трансакции на Косово и Метохија и со спроведување на одамна постигнатиот договор за начинот на извршување на транспортот на динарите што се вршеше во претходните дваесет години“.
Од НБС додаваат дека повторно им било вратено возилото со средства во динари од преминот Јариње, каде парите, требало да ги подигне фирмата „Хендерсон“, кое поседува дозвола на косовската самоуправа за превоз на пари.
„Динарските средства наменети за неопходна исплата на плати, пензии, социјални надоместоци и други исплати на Србите на територијата на Косово и Метохија беа испратени за нивна понатамошна распределба до граѓаните преку шалтерите на Поштата и Поштанската штедионица банка и банкоматите“, се наведува во соопштението.