НБА: Грин „го прати“ Дурант во Барселона
Според Грин, следната сезона во НБА за Дурант би можела да биде последна во најсилната лига, а потоа можеби би се преселил во Барселона за да игра во Евролигата?!
Гласините за заминување на НБА-ѕвездата Кевин Дурант во Барселона повторно се актуелизираа, а „виновник“ за тоа е неговиот добар другар Дрејмонд Грин. За ова пишува шпанскиот медиум „Мундо депортиво“.
Според Грин, следната сезона во НБА за Дурант би можела да биде последна во најсилната лига, а потоа можеби би се преселил во Барселона за да игра во Евролигата?!
– Секако дека сум загрижен за Дурант, затоа што тој ми е брат и јас секогаш посакувам тој да е успешен, каде и да е. Без разлика дали е во Бруклин или ако реши да оди и да игра во Баселона следната година во Евролигата – изјавил Грин, кошаркар на Голден стејт, во една подкаст програма. Со тоа навестил дека Дурант можеби ќе го менува клубот.
Дурант играше за Вориорс од 2016 до 2019 година заедно со Грин. Обата играчи освоија две титули со Вориорс (2017-2018).
Треба да се каже дека Дурант го обнови договорот со Нетс за уште четири години минатиот август. Но елиминацијата на Нетс во плејофот може да биде причина за играчот да сака да си замине.
Самиот Дурант во 2019 година изјави дека би сакал својата последна година во кариерата да ја игра во Барселона. Позната е неговата склоност кон каталонскиот тим.