Навивачите на Лацио го нападнаа Имобиле, капитенот „принуден“ да го напушти римскиот клуб?!
Фудбалерот и капитен на Лацио, Чиро Имобиле сака да го напушти клубот, пишува „Кориере дела сера“. Причината за ова се нападите на навивачите врз него и неговото семејство.
Според некои приврзаници на римската „волчица“ 34-годишниот Италијанец е одговорен за отказот на тренерот Маурицио Сари.
Имобиле пред неколку дена остана заглавен во сообраќаен метеж со неговиот 4-годишен син и неговата сопруга во автомобилот.
Навивач на Лацио го препознал, излегол од автомобилот и почнал да го пцуе. Инцидентот многу го исплашил детето, а следниот ден неговата сопруга била навредувана на улица. Освен тоа, на социјалните мрежи веќе неколку месеци има напади против Имобиле.
Лацио ја изрази својата целосна солидарност со нивниот капитен Имобиле и неговото семејство во врска со вознемирувачките напади во последните денови.
– Спортот, а со тоа и неговата етичка вредност, мора да остане како таков: секој акт на вербално или физичко насилство мора да добие едногласна осуда, цврсто и неоправдано – се вели во соопштението на римскиот клуб.