Наследникот на Лионел Меси потпишува договор до 2026 година
Барселона во наредните денови ќе официјализира уште еден мега потпис, после Педри, Ансу Фати ќе потпише нов повеќегодишен договор.
Како што беше потврдено утрово, и од неколку сигурни извори – директорот на Барса, Матеу Алемани, отпатува за Португалија на последните преговори со Жорж Мендеш за новиот договор на Фати.
Во моментов, Фати има договор до јуни 2022 година, но Барса има автоматско право да го продолжи под исти услови до 2024 година. Но, клубот, на инсистирање на Мендеш, но и по сопствена иницијатива, одлучи веднаш да се подобри договорот на играчот до крајот на тековната сезона, а потоа за дополнителни пет, до 2026 година.
Исто така, платата на Фати постепено ќе се зголемува, бидејќи не е тајна дека клубот во моментов е во незавидна финансиска ситуација.
Иако Мендеш имаше неколку мега понуди од европски великани на маса, дури и Пеп Гвардиола изрази желба да го доведе или да размени за Рахим Стерлинг, Фати јасно му порача на својот агент да ја прифати Барса, бидејќи сака да остане во каталонскиот клуб.
Во позната школа „Ла Масија“ Фати дојде на неполни 10 години. Ова лето Барселона му ја даде „десетката“ на Лионел Меси, а имаше само една опција за Фати. Наводно, Барса напорно работи на неговиот потпис и сака да го официјализира пред неделното „Ел Класико“.
Barcelona is ready to sign a new contract with Ansu Fati until June 2026, according to @ffpolo. Negotiations are nearing completion, but paperwork is still pending. 🔴#FCB
After talks with his agent Mendes, Barça has always been 'optimistic and confident.' @FabrizioRomano pic.twitter.com/4bkc2iDjnj
— Barcaadmirers (@barcaadmirers) October 19, 2021
