Наскоро очекуваме првите луѓе на светскиот ракомет да ги објават репрезентациите кои ќе добијат „вајлд-карта“ преку која директно ќе учествуваат на следното Светско првенство кое што ќе се одржи во Египет.

Претседателот на ИХФ, Хасан Мустафа истакна дека и покрај пандемијата на коронавирус, нема да се одложи Мундијалот кој е планиран да се одржи од 14-31 јануари наредната 2021 година.

Освен нашата селекција која вчера ги доби ривалите во квалификациите за ЕП 2022, покана за настап чекаат уште Србија, Полска, Црна Гора и Русија.

ЕХФ ги откажа плејоф мечевите за СП поради Ковид-19, Македонија требаше да игра двомеч со Франција, а „триколорите“ како една од селекциите меѓу најдоброрангираните на последното ЕП директно се најде на светскиот ракометен собир.

Европа ќе добие две места, а според српските медиуми, најголеми шанси да добијат вајлд-кард се репрезентациите на Македонија и Полска.