Наркотици на стадионот, илјадници евра во домот: Откриено што му одзеде полицијата на Вељко Беливук
Владо Драганиќ, наводно еден од членовите на групата на Веља Невоља, кој е сопственик на куќата во Ритопек каде се случувале најстрашните злосторства на оваа криминална организација, на сослушувањето пред Обвинителство се бранел со молк, дознава Блиц.рс.
Според информациите на Блиц, Драганиќ како и сите останати членови на групата на Беливук молчел пред обвинителот, а тој планира својата одбрана да ја изнесе откако со кривичната пријава ќе бидат покажани доказите кои полицијата ги собрала против него. На него после задржување од 48 часа, му е одреден притвор до 30 дена.
Во викендицата во Ритопек, за време на увидот на полицијата биле пронајдени и одземени конкретни материјални докази и ДНК траги кои би требале да послужат во истрагата која се води против организираната криминална група која ја предводел Беливук, како и Марко Миљковиќ.
Полицијата исто така пронајде и сеф во кој биле скриени неколку десетици илјади евра.
– Посебно внимание по отворањето на сефот предизвика голем синџир со клучеви за кои се уште не познато од што се и што се наоѓа зад вратите кои ги отклучуваат. Судејќи по тоа дека се чувани во заклучен сеф, сигурно имаат голема важност за шефовите на групата Беливук и Миљковиќ, рече претходно извор за Блиц.
Покрај тоа пронајдени се и оружје, пиштол и специјални цевки за снајпер, а како што се сомнева, во викендицата се убиени три мажи – Горан Величковиќ Гокси, Милан Љепоја и Здравко Радојевиќ.
Според Блиц, при претресот на куќата на Вељко Беливук полицијата одземала 31.700 евра, како и 360.000 динари. Иако во јавноста се појавија информации дека при претресот била приведена неговата сопруга, според Блиц таа се уште е на слобода.
При претресот на бункерот на Веља Невоља на стадионот на ФК „Партизан“ полицијата пронашла и наркотици. Според Блиц, станува збор за 100 грама од два наркотици – повеќе од 90 грама марихуана и неколку грама кокаин.