Наковска-Бикова шеста во дисциплината воздушен пиштол на Параолимписките игри

Наковска Бикова по петти пат учествува на Параолимписки игри/Фото: Македонски Параолимписки комитет

Единствена македонска натпреварувачка на Параолимписките игри во Токио, Оливера Наковска-Бикова, го освои шестото место во финалето во дисциплината воздушен пиштол од 10 метри.

Наковска-Бикова во финалето оствари резултат од 147.9 што беше доволно за шесто место. Златниот медал и припаднa на Сарех Јаванмарди, втора беше Пехливанлар од Турција додека третото место го освои Унгарката Давид.

Оливера Наковска-Бикова ќе настапи во уште две дисциплини на Параолимписките игри во Токио, во пиштол од 25 метри на 2 септември и пиштол слободен избор од 50 метри на 4. септември.

Видео на денот