Државните секретари во Министерството за здравство одржаа состанок со раководството на главната ковид болница во Батајница, Србија, по повод епидемиолошката состојба во земјата, а директорката Татјана Аџиќ Вукичевиќ, по состанокот изјави дека „ова е најтешкиот момент во работата на болницата”.

Таа изјави дека капацитетите на болницата се исполнети и дека во моментот во неа има 915 пациенти.

– Дојдов во ситуација да барам место повеќе, да стравувам од секој телефонски повик, од молбите на колегите од очај да се прими уште еден пациент, кажа Татјана Аџиќ Вукичевиќ.

Таа оцени дека ова е пресвртница за функционирањето на здравствениот систем во Србија, да ако не се посвети внимание на вакцинирањето „буквално нема да не биде”, како и да никаде во Србија нема да има слободен кревет. Таа додаде дека сите вработени прават деноноќни напори и дека се на работ на менталната и физичка исцрпеност.

– Апелирам да одговориме на масовната вакцинација, бидејќи само вакцината може да нè спаси од оваа ужасно тешка состојба, кажа Татјана Аџиќ Вукичевиќ.

Државниот секретар во Министерството за здравство, Берислав Векиќ, изјави дека во сите клиничко-болнички центри и ковид болници во Србија ситуацијата е сериозна и тешка.

– Секојдневно се соочуваме од 150 до 180 повеќе хоспитализирани во однос на бројот на отпуштени од болниците. Во претходните 24 часа на целата територија на Србија хоспитализирани се 808 граѓани , а само 640 се отпуштени, кажа Векиќ.

Во вторникот директорот на белградската Клиника за инфективни болести, Горан Стевановиќ, предупреди дека во болниците има места за само уште 24 часа.

Од 25 декември кога започна имунизацијата во Србија, дадени се повеќе од два и пол милиони вакцини и според денешните податоци 1.005.909 милиони граѓани се ревакцинирани.