Најстариот италијански фудбалски клуб има нов сопственик

Горан Пандев и неговиот клуб Џенова и сезонава ќе имаат за цел опстанок во Серија А/Каљари, Италија/12 септември 2021/Фото: EPA-EFE/FABIO MURRU

Американскиот инвестициски фонд „777 Партнерс“ објави дека го купи најстариот италијански фудбалски клуб Џенова од бизнисменот Енрико Прециози.

Американскиот фонд веќе поседува 99,9 проценти од капиталот на клубот, ќе инвестира нови средства и „ќе преземе некои задоцнети долгови“, се наведува во официјалното соопштение, во кое не се наведени финансиски детали.

Прециози, кој поседува фабриката за играчки, ја презеде контролата врз Џенова во 2003 година, кога тимот беше во Серија Б. Џенова обезбеди промоција четири години подоцна и оттогаш игра во елитата.

И сезонава Џенова се очекува да се бори за опстанок во Серија А, моментно после пет кола е на 16 позиција со четири бодови.

Македонскиот интернационалец Горан Пандев одлучи уште една година година да ги брани боите на клубот од „Луиџи Ферарис“.

Видео на денот