Најпопуларни индиски зачини: Неодоливи додатоци во јадењата

Индија има богата кулинарска традиција, а индиската кујна е позната по своите единствени егзотични вкусови. Поради поволната клима и местоположба во оваа земја се одгледува изобилие од зачини, кои се популарни и надвор од границите на државата.

Кари – е индиски зачин што најмногу се користи. Има силен, пикантен, полусладок вкус. Овој зачин се добива од листовите на кари дрво. Понекогаш листовите се користат и свежи, но во повеќето случаи се сушат и мелат во прав. Има неколку сорти од овој зачин, како што е црвеното кари, кое се користи во подготовка на одредени деликатеси. Можат да се најдат уште кари течен екстракт и паста-кари.

Кардамон – се добива од свежи зелени мешунки на кардамон растение. Семките што се во овие мешунки се мелат и најчесто се користат како ароматичен додаток во некои чаеви. Овој индиски зачин се користи и за зачинување на ориз и печени јадења. Кардамонот е еден од најскапите зачини во светот.

Ким – Индијците го вадат од посебни џбунови што се карактеристични за оваа земја. Зрнцата ким можат да се мелат или да се користат цели. Овој зачин има сладок, благо пикантен и остар вкус.
Коријандер – се прави од билка која е слична на магдоносот. Листовите се многу слични со магдоносот, но се поситни и мирисаат на мешавина од цреша, ванила, цимет, роза и портокал. Семето од коријандерот се користи како зачин и има вкус што оди од слатко кон горчливо, а сличен е на оној од кора од портокал.

Шафран – е еден од најскапите деликатесни зачини на светот. Се добива од цветови кои растат само во Азија и имаат чуден и силен вкус. Вистинскиот и квалитетен шафран е скап бидејќи за еден килограм сув шафран потребни се 110.000 – 165.000 цветови, кои се добиваат од засадена површина со големина на два фудбалски терена. Просечната продажба на запад е отприлика 1.550 евра за еден килограм сув шафран.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот