Кошаркарската федерација на Македонија (КФСМ) вечерва на свечена церемонија ги прогласи најдобрите кошаркари и кошаркарки за 2021 година. За кошаркар на годината е прогласен Андреј Магдевски, додека најдобра кошаркарка е Анџелика Митрашиновиќ.

Најдобар тим во 2021 година е освојувачот на двојната круна, МЗТ Скопје Аеродром, додека во женска конкуренција е ЖКК Баскет Кам.
Тренер на годината во машка конкуренција е стратегот на Еуро Никел, Горан Самарџиев како и Александар Ашаданов во женска конкуренција.

Посебни награди добија и членовите на кошаркарската селекција на Специјалната олимпијада, а постхумано им беа доделени пофалници на Благоја Георгиевски – Буштур, Анте Дуковски, Марјан Лазовски, Војислав Зивчевиќ и Драган Василевски.

НАЈДОБРИТЕ ВО МАКЕДОНСКАТА КОШАРКА ЗА 2021 ГОДИНА

Најдобар кошаркар: Андреј Магдевски
Најдобра кошаркарка: Анџелика Митрашиновиќ
Најдобар млад кошаркар: Теодор Симиќ
Најдобра млада кошаркарка: Михаела Алексовска
Најдобра машка екипа (сениори): МЗТ Скопје Аеродром
Најдобра женска екипа (сениорки): Баскет Кам
Најдобра машка екипа (младински лиги): Работнички
Најдобра женска екипа (младински лиги): Бадел 1862
Најдобар тренер на машка екипа (сениори): Горан Самарџиев
Најдобар тренер на женска екипа (сениорки): Александар Ашаданов
Најдобар тренер на машка екипа (младински лиги): Андреј Апостолски Лечиќ
Најдобра тренерка на женска екипа (младински лиги): Анета Глигорова
Најдобар играч во 3 на 3: Ервин Цого
Најдобра екипа во 3 на 3: Кино Влае
Најдобар кошаркарски судија: Игор Митровски
Најдобар македонски репрезент во странство: Емил Рајковиќ
Најдобра младинска репрезентативна селекција: Женската репрезентација под 16 години