Фудбалската федерација на Македонија ги одреди официјалните лица за финалето во Купот на Македонија меѓу ФК Силекс и ФК Шкендија, кое ќе се игра на утре од 20 часот на Национална арена „Тодор Проески“.

Правдата на теренот ќе ја дели Игор Стојчевски, кој важи за еден од најреномираните македонски арбитри и интернационален ФИФА судија. Тој е дел од менторската програма на УЕФА за елитни судии, каде негов ментор е познатиот турски судија Џунејт Чакир. Стојчевски сезонава доби и ново признание, откако беше избран да суди на Европското првенство за фудбалери до 19 години во Велс.

Покрај него, како асистенти ќе бидат ангажирани искусниот Тоше Ицев и интернационалната ФИФА судијка Вјолца Изеири, која веќе има богато искуство на натпревари од УЕФА Конференциската лига и женската Лига на шампиони.

Улогата на четврти судија му е доверена на младиот Бењамин Керими. Во ВАР собата ќе биде Александар Грујоски, додека асистент на ВАР-системот ќе биде Гоце Петрески.

Васоски: Утрешното финале за нас е натпревар на сезоната

Беќири: Имаме почит кон Силекс, нијанси ќе одлучуваат кој ќе го освои трофејот