Денеска се одржа прес-конференцијата пред финалето во Купот на Македонија каде што утре ќе се сретнат екипите на Шкендија и Силекс. Шкендија ја загуби битката за титулата во првенството со Вардар, па сега се надеваат дека ќе дојдат до пехар кој би бил мала утеха.

„Мислам дека Шкендија игра финале во купот по осум години и ќе влеземе максимално како во секој натпревар. Имаме почит кон Силекс, играат одлично во последните две години и лани се бореа со нас за титулата. Нијанси ќе одлучуваат, можеби имаме мала предност поради европското искуство, но во еден натпревар тоа може и ништо да не значи. Ние ќе дадеме се од себе да победиме утре“, порача тренерот на Шкендија Јетон Беќири.

На прес-конференцијата присуствуваше и капитенот на тетовската екипа, Арбин Зејнулаи.

„Пред почетокот на сезоната целта беше титула и добар настап во Европа, па сега ќе се обидеме да го освоиме купот. Натпреварот е многу важен за нас и ако дадеме максумум верувам дека ќе стигнеме до трофејот“, изјави Зејнулаи.

Шкендија утре ќе биде ослабена поради отсуството на Бесарт Ибраими кој е повреден, дуелот е закажан за во терминот од 20:00 часот.

Репрезентативец на Македонија ќе плати 500 евра казна за кршење врата во Кратово

ФФМ отвори постапка против Вардар за вулгарната песна на прославата на титулата