Васоски: Утрешното финале за нас е натпревар на сезоната
Фудбалерите на Силекс утре против Шкендија ќе се обидат да дојдат до својот четврти трофеј во Купот на Македонија, а за нив ова финале ќе биде шесто.
Препорачано
Утрешниот дуел можеби е повеќе важен за кратовскиот тим затоа што победа, освен трофеј ќе им донесе и настап во квалификациите за Конференциската лига, Шкендија тоа го обезбеди преку првенството.
Сепак, тренерот Александар Васоски улогата на фаворит ја препушти на противничката екипа.
„За нас ова финале е натпревар на сезоната затоа што ни носи излез во Европа. Со Шкендија сезонава игравме добри натпревар и добро се познаваме. Ќе биде натпревар за уживање и нека победи подобриот, можеби имаат предност поради искуството од Европа, но знаеме дека и ние можеме да се радуваме“, изјави Васоски.
Добар натпревар очекува и капитенот на Силекс, Дарко Анѓелески.
„Очекувам интересен натпревар и добар фудбалски натпревар, подготвени сме да го дадеме максимумот и подобриот нека победи, се надеваме дека тоа ќе бидеме ние“, порача Анѓелески.
Дуелот на арената „Тодор Проески“ е закажан за во терминот од 20:00 часот.
Беќири: Имаме почит кон Силекс, нијанси ќе одлучуваат кој ќе го освои трофејот
Репрезентативец на Македонија ќе плати 500 евра казна за кршење врата во Кратово
ФФМ отвори постапка против Вардар за вулгарната песна на прославата на титулата
