Никако да прекине негативната серија на лоши резултати на македонската женска сениорска репрезентација во квалификациите за пласман на Светското првенство.

Денеска нашата селекција загуби и на гостувањето кај Луксембург со конечен резултат 2:1.

Уште во првата минута дојдовме во позитива со голот на Рочи после асистенцијата на Јаковска, но противникот успеа да направи пресврт. Домаќинот најпрвин израмни преку Томпсон, а истата фудбалерка го постави конечниот епилог непосредно пред паузата.

Тоа беше седми пораз за Македонија во овие мундијалски квалификации за моментни петто претпоследно место со три бодови.

До крајот на овој квалификациски циклус останува да ги одиграме и последните две средби во септември, дома против Летонија и на гости кај Австрија.