Најдобриот играч од последниот Мундобаскет нема да игра за Шпанија
Шпанскиот плејмејкер Рики Рубио ќе го пропушти претстојното Светско првенство кое се игра во Јапонија, Индонезија и Филипини.
Рубио кој беше МВП на последниот Мундобаскет кој во 2019 година се одржа во Кина нема да игра на овој, иако се наоѓаше на списокот од 16 кошаркари на селекторот Серџо Скариоло.
Причината поради која Рубио нема да игра на Светското првенство е неговото ментално здравје.
„Одлучив да ги прекинам професионалните активности за да се посветам на своето ментално здравје. Сакам да се заблагодарам на поддршката која ја добив од Сојузот. Ја разбраа мојата одлука, денес семејството има повеќе смисла од било кога. Би замолил да се почитува мојата првиност, повеќе информации ќе објавам кога ќе дојде време“, соопшти Рубио.
Мундобаскетот стартува на 25-ти август и ќе се игра до 10-ти септември, а Шпанија е во група со Бразил, Брегот на Слоновата Коска и Иран.