На група улични музичари од Србија, кои беа пронајдени во Осиек на Бадник без пропишани документи за престој и работа, им беше откажан престојот и им беше забранет влез во Хрватска во траење од три месеци, соопшти денеска осиечко-барањската полиција, објави Индекс.хр.

На 24 декември, полицијата добила пријава дека улични трубачи свират во Осиек. Биле пронајдени петмина свирачи, државјани на Србија на возраст од 57, 51, 48, 46 и 20 години, кои биле повикани во полициската станица за да се утврдат околностите на нивниот престој во Хрватска.

Утврдено е дека тие дошле во Хрватска за да свират на улиците и во угостителските објекти со цел да заработат пари, и дека немале дозволи за престој и работа, ниту потврди за регистрација на работа.

„Со оглед на тоа што беше утврдено дека тие не ја оправдуваат целта и условите за влез и краткорочен престој во Хрватска, спроведена е административна постапка во која на сите петмина српски државјани им се издадени решенија за откажување на нивниот престој во Хрватска. Според решенијата, на музичарите им е откажан краткорочниот престој, им е издадена тримесечна забрана за влез и престој, а им е даден рок за доброволно заминување од седум дена, во кој се должни да го напуштат Европскиот економски појас“, информира полицијата.

Српските играорци нападнати во Сплит раскажуваат: Беа облечени во црно, бевме исплашени и во шок