На ОИ во Токио ќе има публика, но алкохолот ќе биде забранет
Претседателката на организацискиот комитет на Олимписките игри во Токио, Сеико Хашимото соопшти дека конзумирањето на алкохолни пијалоци ќе биде забрането на Игрите.
Хашимото на прес-конференција изјави дека одлуката е донесена за јавноста да не биде загрижена за безбедноста на Олимписките игри откако претходниот ден граѓаните се побунија зошто да биде дозволено за странските навивачите да смеат да конзумираат алкохолот, додека за домашните тоа беше забрането.
– Конзумирањето на алкохолни пијалоци ќе биде забрането на Олимписките игри во Токио – рече Хашимото.
Добра вест е што организаторот потврди дека ќе биде дозволено присуство на навивачи на трибините, но бројот ќе биде ограничен на 10.000. Олимписките игри во Токио ќе се одржат од 23. јули до 8. август откако минатата година беа одложени поради пандемијата на коронавирусот.